Мисрнинг Хургада курортида оқ акулалар пайдо бўлди, бир киши жабрланди. Бу ҳақида "Интерфакс" хабар берди.
"Мисрнинг Хургада туманида тажовузкор оқ акулалар фаоллиги кузатилмоқда. Бу ерда акулалар охирги марта 2015 йилда қайд этилганди", - дейилади манбада.
Оқ акула - ер юзидаги энг йирик йиртқич балиқлардан бири. Унинг узунлиги тахминан 5 метрни ташкил қилади ва у инсоният учун энг хавфли акула турларидан бири ҳисобланади.
2015 йилнинг мартида Марса-Алам курортида оқ акула ҳужуми натижасида германиялик сайёҳ ҳалок бўлганди.
