Forbes дунёнинг энг инновацион компаниялари рўйхати эълон қилди
Forbes журнали еттинчи марта дунёнинг энг инновацион компаниялари рўйхати эълон қилди. Унга кўра, ўтган 2 йил мобайнида дунёнинг иккинчи инновацион компанияси мақомида бўлиб келган Salesforce эндиликда етакчига айланиб қолган, кетидан Tesla Motors ва учинчи ўриндан рақобатчилардан 8 поғона илгарилаб кетган Amazon компанияси жой олган.
Рўйхатнинг кучли бешталигини кино саноатида ўз ўрнига эга бўлган Netflix жамоаси якунлаб берса, тўртинчи ўрин Осиё вакиллари - Shanghai Raas Blood Products компаниясига насиб қилди.
Innovators DNA фирмаси мутахассислари билан ҳамкорликда тузилган мазкур рўйхат асосида бозорга янги ўйинчиларнинг шиддат билан кириб келиши ҳамда технологик инқилобларни ярата олиши акс эттирилади. Улар қаторида Pandora (75 ўрин), Ultra Beauty (34 ўрин), Constellation Software (22 ўрин) ва GenMab (39 ўрин) алоҳида эътиборга лойиқ компаниялар сирасидан ҳисобланади.
Бундан аввалги рўйхатдан тушиб қолган Procter and Gamble (89 ўрин), Intuit (66 ўрин), Yahoo Japan (84 ўрин) ва Pepsico (95 ўрин) корхоналари бу сафар яна кучли юзталик қаторига қайтганини кўришимиз мумкин. Осиёнинг, жумладан Хитой, Ҳиндистон, Индонезия ва Жанубий Кореянинг олтита компанияси дунёнинг энг инновацион компаниялар рўйхатида кучли йигирматалик қаторида кўрсатилган.
Рўйхатдан жой олиш учун компания жамоаси йирик, инновацион ҳамда молиявий даромад келтирувчи лойиҳа устида иш олиб бораётган бўлиши лозим. Шунингдек, халқаро бозорда еттилик меҳнат тажрибаси ва 10 миллиард АҚШ доллари миқдоридан кам бўлмаган капитал айланмасига эга бўлиши сўралади.
Мавзуга оид
20:42 / 06.10.2024
Forbes энг кўп маош оладиган давлат раҳбарларини эълон қилди
21:08 / 26.09.2024
«Газпром» Россиянинг сердаромад компаниялари рўйхатидан тушиб кетди
22:27 / 10.08.2024
Forbes АҚШдаги президентлик пойгасининг «энг қашшоқ» иштирокчиси номини маълум қилди
12:13 / 24.07.2024