Лондон ресторанларидан бирига “заҳарли” мактуб етказилди

Фото:СС0 Public Domain

Лондоннинг Боро-маркет бозорида жойлашган ресторанга ичида қўланса ҳидли заҳарли кукун бўлган конверт етказилган. Evening Standard нашри маълумотларига кўра, рестораннинг конвертни очган уч ходими жабрланган.

Шундан кейин ресторанга келганлар ва унинг ходимлари эвакуация қилинганлар. Воқеа жойига ўт ўчирувчилар, полиция ва шифокорлар етиб келишган.

Айни вақтда конвертни ким жўнатгани номаълум, бироқ полиция ушбу ишни террорчилик билан боғлашга шошилмаяпти.

“Ҳозирча ҳибсга олишлар амалга оширилмади. Воқеа тергов қилинмоқда. Терговнинг дастлабки босқичида воқеа террорчилик билан боғланган деб ҳисобланмаяпти», деб айтган полиция вакили.