Сурияда теракт, 25 киши ҳалок бўлди

Суриянинг Дера вилоятида “Ислом армияси” гуруҳининг машғулот лагерида юз берган теракт натижасида камида 25 киши ҳалок бўлди, 40 дан ортиқ инсон жароҳатланди. Бу ҳақда «Анадолу» агентлиги маҳаллий фаол Абу Ал-Мусонна Ал-Холидийга асосан хабар берган.

«Худкуш террорчи лагерь ётоқхонасида портловчи қурилмани ишга келтирган. Фикримизча, теракт ортида ИШИД турибди», - деган Ал-Холидий.

Унинг сўзларига кўра, машғулот лагерига фақатгина гуруҳ аъзолари кириши мумкин.

«Афтидан, худкуш лагерь ҳудудига ошиб кириб, ўзини худди гуруҳ аъзоси сифатида тутиб, ётоқхонага кириб борган», - деган фаол.