Microsoft онкоташхис усулларини ривожлантирмоқда
Microsoft корпорацияси InnerEye лойиҳасини ишга туширди. Лойиҳа доирасида ўтказилган тадқиқотлар онкологик касалликлар ташхисини осонлаштириш ва саратон ривожланишини олдини олишга йўналтирилган. Microsoft Research бўлими мутахассисларининг мақсади — компьютер томографияси ёрдамида олинган суратларнинг янада аниқ талқини. Корпорация сайтида шу ҳақида хабар берилди.
Турли органларнинг юзлаб суратларини автоматик равишда қайта ишловчи ва дарҳол унинг 3D моделларини яратувчи янги комплекс тиббиёт ходимларининг ишини енгиллаштиради ва зарарли ўсимталарни ҳатто микроскопик ҳажмиданоқ аниқлашга ёрдам беради. Бир бемор билан ишлаш жараёни атиги 30 сония вақт олади.
Тизим Microsoft Kinect датчикларини қўллайди ва тасвирларни мустақил равишда аниқлайди. Шифокор-онколог натижаларни кўриб чиқиши ва зарурат туғилганда уларга тузатиш киритиши мумкин. Бу материалларда тизим янги алгоритм томонидан ўрганилади ва мунтазам равишда такомиллашиб боради, шунда автоматик натижа янада аниқлашади.
Мавзуга оид
11:00 / 15.10.2024
Ўзбекистон ва Венгрия саратон касаллигини даволаш соҳасида ҳамкорлик қилади
23:20 / 03.10.2024
Билл Гейтс сунъий интеллект олдидаги учта асосий қўрқувини айтди
23:10 / 29.09.2024
Microsoft сунъий интеллектга асосланган скриншотларни яратиш воситасини қайта ишга туширади
00:48 / 26.09.2024