Ироқ қўшинлари ИШИД террорчилик гуруҳи жангарилари томонидан эгаллаб олинган Талл-Афор шаҳрини озод этиш учун ҳужумга ўтмоқда. Бу ҳақда мамлакат бош вазири Ҳайдар ал-Ободий телевидение орқали мурожаатида маълум қилди, деб хабар бермоқда Reuters.
«Сизлар ёки таслим бўласизлар, ёки ўласизлар», - дея жангариларга қарата мурожаат қилган бош вазир.
Хабар қилинишича, АҚШ ва Ироқ ҳарбий қўмондонлари маълумотларига кўра, шаҳарда тахминан 2 мингга яқин жангарилар бор.
Аввалроқ Ироқ ИШИД назорати остида бўлган Талл-Афор шаҳрини бомбардимон қилишни бошлагани хабар қилинганди.
