Наманганда 1 килограммдан ортиқ марихуана моддаси далилий ашё сифатида олинди

Наманган вилоятининг Тўрақўрғон туманида туман ИИБ тезкор ходимлари томонидан ўтказилган тадбир давомида “Соҳибкор” маҳалла фуқаролар йиғинида яшовчи, ишламайдиган, муқаддам судланган, 1974 йилда туғилган А.Т.нинг уйи текширилганида, иншоотнинг турли жойларига яшириб қўйилган жами 1 кг. 39 гр. марихуана гиёҳвандлик моддаси топилиб, далилий ашё сифатида олинган. Бу ҳақда Ўзбекистон Республикаси ИИВ матбуот хизмати хабар берди.

Мазкур ҳолат юзасидан Ўзбекистон Республикаси  Жиноят кодексининг 276-моддаси 2-қисми билан жиноят иши қўзғатилган. Тергов ҳаракатлари олиб борилмоқда.