Уйида ярим килограммга яқин гиёҳванд модда сақлаган юқоричирчиқлик ушланди

Юқоричирчиқ туманида 4 август куни ўтказилган “Қорадори-2017” тезкор тадбири давомида Юқоричирчиқ туманида яшовчи 1983 йилда туғилган У.Ж.нинг уйи гумонланиб текширилганда ошхонасидан 432,9 гр. «марихуана» гиёҳванд моддаси олинди. Бу ҳақда Тошкент вилояти ИИБ матбуот хизмати хабар қилмоқда. 

Шунингдек, Чиноз туманида шу куни ўтказилган тадбир давомида Бекобод шаҳрида яшовчи 1978 йилда туғилган Ў.С. Чиноз тумани Олмазор қишлоқ фуқаролар йиғини Боғбон маҳалласида холислар иштирокида гумонланиб текширилганда ёнидан 44,5 гр. «марихуана» гиёҳванд моддаси олинди.

Ушбу ҳолатлар юзасидан юқоридаги шахсларга нисбатан Ўзбекистон Республикаси Жиноят Кодекснинг тегишли моддалари билан жиноят иши қўзғатилиб, тергов ҳаракатлари олиб борилмоқда.