Фото: AP
Арманистонда 2 сентябрь куни эрталаб номаълум шахс мамлакат Миллий йиғилиши биносида бомба бор экани ҳақида хабар берди. Бу ҳақда Арманистон ФВВ маълум қилди, деб хабар тарқатди РИА «Новости».
«Иккинчи сентябрь куни соат тахминан 6:56да (Тошкент вақти билан 7:56) Миллий йиғилиш (парламент) биносида бомба бор экани ҳақида хабар келиб тушди», - дея хабар қилишган қутқарув хизматидан.
Хабар келиб тушгач воқеа жойига қутқарувчилар ва алоҳида топшириқлар бўйича қутқарув ишларини олиб бориш бўйича отряд етиб борган.
Шунингдек, у ерда ФВВ фуқаролик мудофааси маркази кучлари муҳандислик отряди қўмондони ҳам бор экани айтилмоқда.
