Ўзбекистон - Жанубий Корея ўйинини Константин Генич ҳам шарҳлайди

Фото: Sportobzor.ru

5 сентябрь куни соат 20:00 да Келгуси йил Россияда бўлиб ўтадиган футбол бўйича жаҳон чемпионати III саралаш босқичининг сўнгги тур ўйинида «Бунёдкор» стадионида Ўзбекистон миллий терма жамоаси Жанубий Корея терма жамоасига қарши майдонга тушади.

TRIBUNA.UZ манбаларининг хабар беришича, ушбу ўйинни шарҳлаш учун Россиянинг МАТЧ-ТВ телеканалида ишловчи машҳур шарҳловчи Константин Генич Тошкентга ташриф буюрмоқда. Федерациядаги манбамиз ҳам Генич учун аккредитация ҳозирланаётганини тасдиқлади.

«Спорт» телеканалида ўйин ўзбек шарҳловчиларидан бири томонидан шарҳлаб борилиши айтилмоқда. Константин Генич шарҳлайдиган ўйин 16:9 форматдаги «Дунё бўйлаб» канали эфирига чиқиши тахмин қилинмоқда.

Тайёрлаган: Азиз Қаршиев

#Жанубий Корея #ЖЧ-2018 саралаши #Константин Генич