ЖЧ-2018 саралаши. Нидерландия Болгарияга 3та, Швеция Беларусга 4та гол урди

2018 йилги жаҳон чемпионати саралаш босқичининг Европа минтақасида А гуруҳида икки учрашув ўтказилди. Нидерландия ўз майдонида Болгарияни қабул қилиб, 3:1 ҳисобидаги ғалабага эришди.

Дик Адвокаат шогирдлари 7-дақиқадаёқ ҳисобни очишди, гол муаллифи Дэви Проппер. «Қизил лолалар» жамоасининг иккинчи голи 67-дақиқада урилди — Арьен Роббен аниқ зарба берди. Меҳмонлар 69-дақиқада Костадановнинг голи билан жавоб қайтаришди. 80-дақиқада Проппер ҳисобни 3:1 кўринишига келтирди.

Ўйинда шу ҳисоб сақланиб қолди ва Нидерландия очколари сонини 13тага етказиб учинчи ўринга жойлашди.

Гуруҳдаги иккинчи учрашувда Швеция йирик ҳисобдаги ғалабани нишонлади 4:0.

Ғолиблар сафида голлари Эмиль Форсберг, Кристоффер Нюман, Маркус Берг ва Андреас Гранквист томонидан урилди. Бу йирик мағлубиятдан кейин Беларусь турнир йўлланмасидан умид узди.

Айни вақтга келиб А гуруҳида турнир жадвали қуйидаги кўринишда: 1. Швеция – 16 очко (8 ўйин); 2. Франция – 16 (7); 3. Нидерландия – 13 (8); 4. Болгария – 12 (8); 5. Беларусь – 5 (8); 5. Люксембург – 4 (7).

ЖЧ-2018 саралаши
Европа, 8-тур
Нидерландия – Болгария 3:1 (1:0, 2:1)
Голлар: 1:0 – 7 Проппер, 2:0 – 67 Роббен, 2:1 – 69 Костадинов, 3:1 – 80 Проппер.
Нидерландия – Силлессен, де Врей, Блинд, Тете, Худт, Триндаде, Проппер (ван Гинкел, 86), Роббен, Вейналдум, Промес, Янссен.
Болгария – Илиев, Терзиев, Божиков, Занев, Манолев (Галабинов, 61), Цветков (Славчев, 25), Чочев, Попов, Зехиров (Миланов, 46), Костадинов, Попов.
Огоҳлантиришлар: Терзиев (33), Триндаде (54), Манолев (58), Миланов (73), Чочев (78), Попов (83).

Беларусь – Швеция 0:4 (0:3, 0:1)
Голлар: 0:1 – 18 Форсберг, 0:2 – 24 Нюман, 0:3 – 37 Берг, 0:4 – 84, пенальти Гранквист.
Беларусь – Черник, Филипенко, Сиваков, Бурко, Сачивко, Корзун, Риос, Нехайчик (Драгун, 46), Баланович (Савицкий, 61), Сарока, Сигневич (Быков, 78).
Швеция – Ольсен, Линделеф, Аугустинссон, Люстиг, Гранквист, Дурмаз (Классон, 67), Ларссон, Юханссон (Свенссон, 69), Форсберг, Нюман, Берг (Телин, 85).
Огоҳлантиришлар: Нюман (30), Филипенко (67), Черник (84), Корзун (86).