Порошенко Россияни Украина учун асосий ҳарбий таҳдид сифатида баҳолади

Украина президенти Пётр Порошенконинг маълум қилишича, Россия мамлакат учун асосий ҳарбий таҳдид саналади. Бу ҳақда «Интерфакс» хабар бермоқда.

«Россия томонидан асосий таҳдид – афсуски, ҳарбийдир. Ҳозирча Москва Донбасс ёки Қримдан кетишга тайёрлиги борасида ҳеч қандай белгилар йўқ», - деди Порошенко Олий рададаги ҳар йилги чиқиши давомида.

Унинг таъкидлашича, Россия «қитъавий кўламда» ҳужумкор урушга тайёргарлик кўраётгани борасидаги далиллар кўпайиб бормоқда. 

«Масалан, Россия-Беларуснинг «Запад-2017» машқлари... Уларни «антизапад» деб аташ тўғри бўларди. Табиийки, биз бошқа сабаблар туфайли эмас, балки айнан шунинг учун давлат чегарасининг барча участкаларида назоратни кучайтирдик», - дея аниқлик киритди Украина президенти.

Аввалроқ Порошенко суиқасд ҳақидаги хабарлардан сўнг кишилар олдида кўриниш бергани маълум қилинганди.