8 сентябрь, жума куни Мексикада 8,2 магнитудали зилзила қайд этилди. Сейсмологлар уни сўнгги юз йилдаги энг кучли ер силкиниши деб аташди. Маълумотларга кўра, табиий офат 60 кишининг ҳаётига зомин бўлган, яна 250 нафар киши турли жароҳат олган.
Зилзила маркази мамлакатнинг жануби-шарқида бўлиб, 62 марта афтершок қайд этилган. Шундан сўнг кичик цунами юзага келган, тўлқинлар баландлиги бир метрдан ошган. Ер силкиниши натижасида 200 минг киши чироқсиз қолган.