Дубайда дунёдаги энг йирик фотосурат гардиши очилади

Дубайнинг янги диққатга сазовор биноси — дунёнинг энг йирик фотосурат гардиши — шу йилнинг ноябрь ойида очилади, деб баёнот бермоқда амирлик-шаҳар ҳокимияти. 

43,6 миллион долларлик лойиҳа 2013 йили бошланган бўлиб, расман 2015 йилда очилиши керак эди. Аммо кейинчалик у қолдирилди.

Унинг баландлиги 150 метр, эни 93 метрни ташкил этади. Иншоот Zabeel Park кўнгилочар боғида жойлашган бўлиб, шакли билан фото ёки картина гардишини ёдга солади. У орқали бир томондан шаҳарнинг замонавий қисмига, иккинчи томондан эски шаҳар қисмига кўриниш очилади. 

Фотогардишнинг биринчи қаватида музей ва кўргазмалар зали бўлади. Томоша лифти ташриф буюрувчиларни тепага олиб чиқади, у ердан шаҳарни томоша қилиш мумкин бўлади. Қурилишда ишлатилган материаллар ёнмайдиган ва хавфсизлик меъёрларига тўла жавоб беради. 

Фотогардиш бинодаги барча ишлар шу ой охиригача тугайди. Ноябрь ойидан ташриф буюрувчилар киритилади. Қурилишнинг чўзилишига қурилиш материалларининг етишмаслиги сабаб бўлган.

Унга кириш учун чипталарни мобил илова орқали харид қилиш ҳам мумкин бўлади.