Лас-Вегас «мергани»нинг ИШИДга алоқадорлиги рад этилди

Фото: AP

АҚШ Федерал Қидирув бюроси (ФҚБ) Лас-Вегасдаги отишма ижрочиси Стивен Пэддок ва ИШИД ўртасида алоқадорлик йўқлигини маълум қилди. Бу ҳақда бюро вакили матбуот анжумани вақтида аён қилди.

«Биз террорчилик ташкилоти изларини кўрмадик. Текширув ишлари давом этмоқда», деган у.

Бундан аввалроқ ИШИД Пэддокни ўз аъзоси деб атаган ва ҳужум учун жавобгарликни зиммасига олганди.

АҚШ Марказий разведка бошқармаси вакиллари ИШИД баёнотидан хабардор эканликлари ва бу баёнот асосида шошилинч чоралар кўрилмаслигини маълум қилган.

ИШИД Лас-Вегас «мергани»ни ўз аскари деб атади

Охирги хабарларга кўра, Лас-Вегасдаги мусиқий фестивалда рўй берган отишма қурбонлари сони 58 кишига етган. Шунингдек, шифохонага етказилганлар сони 515 нафарни ташкил қилмоқда.

Тайёрлаган Азиз Қаршиев

#Лас-Вегас #Федерал Қидирув бюроси

1 октябрь оқшомида Лас-Вегасдаги кантри-фестиваль қатнашчиларига қарата ўт очилди. Жиноятчи «Мандалай Бэй» меҳмонхонасининг 32-қаватидаги хонада бўлган ва ойнадан туриб ўт очган.