Қирғизистонда сайлов якунланди: Дастлабки натижалар маълум

Қирғизистонда сайлов участкалари ўз фаолиятини тўхтатиб, сайловда овоз бериш жараёни якунланди.

Дастлабки натижаларга кўра, амалдаги президент партиясидан номзод сифатида кўрсатилган Сооранбай Жээнбековнинг қўли баланд келмоқда (50,25 фоиз). Иккинчи асосий номзод Омурбек Бабанов эса сайловчиларнинг 38,73 фоиз овозини қўлга киритган.

Эслатиб ўтамиз, маҳаллий вақт билан соат 17:00да тарқатилган хабарда, сайловчиларнинг давомати паст эканлигини қайд этилганди.

Тайёрлаган Азиз Қаршиев

#Қирғизистон #сайлов

15 октябрь куни Қирғизистонда президентлик сайлови бўлиб ўтмоқда. Сайловчилар 11 нафар номзод орасидан мамлакатнинг келгуси президентини танлашлари керак.