Абдулазиз Комилов Эрон президенти билан учрашди
18 октябрь куни Эрон Ислом Республикаси Президенти Ҳасан Руҳоний Ўзбекистон Республикаси ташқи ишлар вазири Абдулазиз Комилов бошчилигидаги делегацияни қабул қилди. Бу ҳақида ТИВ сайтида хабар берилди.
Вазир Ўзбекистон Республикаси Президенти Шавкат Мирзиёевнинг самимий қутлови ва ҳурматини Эрон Президенти ва халқига етказди.
Мулоқот чоғида сиёсий, савдо-иқтисодий, транспорт-коммуникация, маданий-гуманитар ва бошқа соҳаларда икки томонлама муносабатларни янада ривожлантиришнинг долзарб масалалари муҳокама қилинди.
Президент Шавкат Мирзиёев ва Эрон Президенти Ҳасан Руҳонийнинг 2017 йилнинг 11 сентябрида Остона шаҳрида бўлиб ўтган учрашуви ва музокаралари Ўзбекистон-Эрон муносабатларини кенгайтиришнинг йўналишларини аниқлаш имконини берди.
Учрашувда томонларни қизиқтирган халқаро ва минтақа сиёсатига доир масалалар юзасидан фикр алмашилди.
Мавзуга оид
19:37 / 24.09.2024
Муҳожирлардан ҳимояланиш учун: Эрон Афғонистон билан чегарада девор қурмоқда
21:41 / 23.09.2024
Эрон президенти: Биз Россиянинг Украинага тажовузини ҳеч қачон маъқулламаганмиз
21:05 / 23.09.2024
Эрон Ислом инқилоби муҳофизлари корпуси аъзоларига алоқа воситаларидан фойдаланиш тақиқланди
13:25 / 23.09.2024