Қўшимча функционаллар
-
Тунги кўриниш
Германия Каталониянинг ҳаракатларига кескин муносабат билдирди
Германия ҳукумати Каталония парламентининг мустақиллик тўғрисидаги бир томонлама декларациясини тан олмайди. Бу ҳақда ГФР ҳукумати расмийси Штеффен Зайберт маълум қилди.
«Испаниянинг суверенитети ва ҳудудий яхлитлиги дахлсиздир ва шундай бўлиб қолади. Бир томонлама эълон қилинган мустақиллик асосидаги бошқарув ҳуқуқ бузилишидир. Федерал ҳукумат бундай бошқарувни тан олмайди», — дейилган хабарда.
Бугун, 27 октябрь куни Каталония парламенти минтақа Испаниядан мустақил бўлганини расман тасдиқлайдиган резолюцияни имзолади. Бир соат вақт ўтиб Испания Сенати Конституциянинг 155-моддасини қўллашни маъқуллади. Бу моддада мухтор ҳудуд мамлакатдаги тартибга дахл қилган пайтда мухторият ҳуқуқи тўхтатилиши белгиланган. Шу тариқа, сенат Каталония мухторияти раҳбариятини ҳокимиятдан четлаштириб, минтақада Мадриднинг бевосита бошқарувини жорий этиш ҳақидаги резолюцияни қабул қилди.
Каталония парламенти мустақиллик эълон қилиши ортидан дарҳол АҚШ, Украина ва Буюк Британия давлатлари Испания ҳукуматини қўллашини маълум қилиб чиқишди.
Каталонияда мустақиллик референдуми
Испаниянинг шимолий-шарқий ҳудудида, Каталония автономиясида, истиқомат қилувчи аҳоли 1 октябрь каталонларнинг мустақиллик масаласини ҳал этиш учун кўчага чиқди. Расмий Мадрид ушбу ҳаракатни йўққа чиқариш мақсадида маҳаллий полиция кучидан фойдаланмоқда.
Мавзуга оид
12:04
Ўзбекистон ва Германия биринчи хонимлари инклюзив таълим масалаларини муҳокама қилди
21:45 / 17.06.2026
Audi янги авлод А6 Allroad’ни тақдим этди
20:04 / 17.06.2026
Ўзбекистон ва Германия президентлари бир қатор иқтисодий лойиҳаларни ишга туширди
10:05 / 17.06.2026