Фото: hronikatm.com
Туркманистоннинг Мустақиллик куни 27 октябрда ҳуқуқни муҳофаза қилиш органлари бир гуруҳ ходимларига мамлакат президенти Гурбангули Бердимуҳамедовнинг отаси номидаги - «Mälikguly Berdimuhamedow» («Маликқули Бердимуҳамедов») медаллари топширилди.
«Туркманистон хроникаси» нашрига кўра, мукофотга сазовор бўлганлар орасида президентнинг ўғли – майор Сардор Бердимуҳамедов ҳам бор, унга подполковник унвони ҳам берилган.
Эслатиб ўтамиз, Сардор Бердимуҳамедов парламент депутати ҳам саналади.
Мамлакат президентининг матбуот хизмати мукофотга сазовор бўлганлар рўйхатида Сардор Бердимуҳамедовни кўрсатмаган.
Гурбангули Бердимуҳаммедовнинг бир ўғли (Сардор), уч қизи ва тўрт нафар набираси бор. У 2007 йилдан буён Туркманистон президенти ҳисобланади.
