БМТнинг Наркотиклар ва жиноятчилик бўйича бошқармаси ижрочи директори Ўзбекистонга келмоқда

фото: unmiss.unmissions.org

БМТ бош котибининг ўринбосари ва БМТнинг Наркотиклар ва жиноятчилик бўйича бошқармаси ижрочи директори Юрий Федотов 31 октябрда Ўзбекистонга ташриф буюради. Бу ҳақда Ўзбекистон Ташқи ишлар вазирлиги матбуот хизмати маълум қилди.

Федотов Олий Мажлис Сенати, Ташқи ишлар вазирлиги, Ўзбекистон Республикаси Вазирлар Маҳкамаси ҳузуридаги Гиёҳванд моддаларни назорат қилиш миллий ахборот-таҳлилий марказида учрашувлар ва музокаралар ўтказади.

Шунингдек, Федотов бошчилигидаги БМТнинг Наркотиклар ва жиноятчилик бўйича бошқармаси делегацияси Тошкент шаҳрида бўлиб ўтадиган ШҲТ Минтақавий аксилтеррор тузилмасининг “Терроризмга қарши кураш – чегарасиз ҳамкорлик” номли 5-илмий амалий конференцияда иштирок этади.