Полиция террорчи Нью-Йоркдаги терактга бир неча ҳафта давомида тайёрланганини маълум қилди

Фото: © REUTERS/Brendan McDermid

31 октябрда кундузи Нью-Йорк марказида содир этилган ҳужум ижрочиси Сайфулло Соипов унга бир неча ҳафта давомида тайёргарлик кўрган. Бу ҳақда шаҳар полицияси бошлиғи ўринбосари Жон Миллер маълум қилди.

"Терговга кўра, гумонланувчи терактга бир неча ҳафта давомида тайёргарлик кўрган ва уни ИШИД номидан амалга оширган", деб айтган Миллер журналистларга.

Терактни амалга оширишда келиб чиқиши ўзбекистонлик бўлган 29 ёшли Сайфулло Соипов гумон қилинмоқда. У пикап машинасида Манхэттенда пиёдаларни босиб кетган. Ҳужум оқибатида 8 киши ҳалок бўлган, ўндан кўпроқ одам жароҳат олган. Соиповнинг ўзи қўлга олиниши вақтида яраланган. Ҳозирда у шифохонада бўлиб, терговчилар томондан сўроқ қилинмоқда.

#теракт #Нью-Йорк #Сайфулло Соипов

31 октябрь, сешанба куни Манҳэттенда юк машинасини бошқарган шахс одамларни қасддан уриб юбориши оқибатида 8 киши ҳалок бўлди, 12 киши жароҳатланди. Терактни содир этишда гумон қилинаётган шахс келиб чиқишига кўра ўзбекистонлик Сайфулло Соипов.