Тез тиббий ёрдам бўлимидан компьютер жамланмаси ўмарилди

Пискент туман ИИБга Тез тиббий ёрдам бўлимида ишловчи, 1979 йилда туғилган Холида Айтматова (келтирилган исм-фамилиялар ўзгартирилган) ариза билан мурожаат қилиб, ўз аризасида жорий йилнинг 11 октябрь кунига ўтар кечаси номаълум шахс, дераза ойнасини синдириш йўли билан кириб, иш жойидаги хизмат хонасидан унга тегишли умумий нархи тахминан 2.000.000 сўм бўлган “Toshiba” русумли компьютер жамланмаси ва 1 дона “Canon” сканерини ўғирлаганлигини маълум қилган.

Бу ҳақда Тошкент вилояти Ички ишлар бошқармаси ахборот хизмати хабар бермоқда.

Олиб борилган тезкор чора-тадбирлар натижасида ушбу жиноятни Пискент шаҳрида яшовчи 1990 йилда туғилган Шерзод Латипов содир этганлиги аниқланиб, ушланди.