Қирғизистонда барча давлат хизматчилари қирғиз тилини билишлари шарт қилиб қўйилди

Қирғизистонда 2019 йилдан барча давлат хизматчилари қирғиз тилини таянч (бошланғичдан юқори)  даражада билишлари шарт қилиб қўйилди. Мамлакат бош вазири Сапар Исаков бу ҳақдаги тегишли қарорни имзолади.   

Ҳукумат қарорига кўра, давлат ва муниципал хизматчилар, юқори, бош маъмурий лавозимларни эгалловчилар давлат тилини қуйидагилардан паст бўлмаган даражада билишлари шарт: 

таянч даража (А2) – 2019 йилдан;
ўрта даража (В1) — 2020 йилдан;
ўртадан юқори даража (В2) — 2021 йилдан.

2018 йил 1 мартдан барча давлат ва муниципал хизматчилар давлат тилини эгаллаганлик бўйича мажбурий синовдан ўтказиладилар.

Давлат хизматчиларининг қирғиз тилини тегишли даражада эгаллаганликлари 2019 йил 1 январдан баҳолана бошланади.