Тошкентда “Матиз” пиёдани уриб юборди, “Спарк” уни босиб ўтиб кетди
2017 йил 24 ноябрь куни соат 22:50 ларда, Юнусобод туманидаги ТХАЙ кўчасида жойлашган “Турон” чойхонаси қаршисида, ҳайдовчи - 1983 йилда туғилган эркак киши, “Матиз” русумли автомашинасини бошқариб кетаётиб, пиёдани уриб юборган. Шундан сўнг ушбу йўналишда унинг кетидан ҳаракатланиб келаётган ҳайдовчи - 1995 йилда туғилган эркак киши, “Спарк” русумли автомашинасини бошқариб кетаётиб, йўлда ётган пиёдани босиб ўтган. Мазкур йўл транспорт ҳодисаси натижасида пиёда – 1987 йилда туғилган эркак киши олган тан жароҳатлари оқибатида ЙТҲ жойида вафот этган. Бу ҳақда пойтахт ИИББ хабар бермоқда.
“Матиз” русумли автомашина ҳайдовчиси жабрланган пиёдага ёрдам кўрсатмасдан ва бу ҳақда ички ишлар органларига хабар бермасдан ҳодиса жойидан кетиб қолган. Тошкент шаҳар ИИББ ЙҲХБ ходимлари томонидан ўтказилган “Тозалаш-антитеррор” тадбири давомида, 2017 йилнинг 25 ноябрь куни соат 11:00 да, ҳодиса жойидан кетиб қолган ҳайдовчи аниқланди.
Мазкур ҳолат юзасидан Юнусобод тумани ИИБ ҳузуридаги Тергов бўлими томонидан Ўзбекистон Республикаси ЖКнинг 266-моддаси 2-қисми (транспорт воситасини бошқарувчи шахс томонидан транспорт воситалари ҳаракати ва улардан фойдаланиш хавфсизлиги қоидаларини бузиш, одам ўлишига сабаб бўлса) аломатлари билан жиноят иш қўзғатилган.
Мавзуга оид
13:40 / 20.08.2024
Тошкентда қалбаки АҚШ долларини сотаётган шахслар қўлга олинди
16:23 / 29.07.2024
Волгоград областида йўловчи поезд юк машина билан тўқнашди
15:50 / 27.07.2024
АҚШда 38 яшар ўзбекистонлик тракчи ЙТҲ туфайли вафот этди
13:07 / 27.07.2024