Бельгия прокуратураси Пучдемоннинг экстрадицияси бўйича ишни ёпди

Фото: Getty Images

Бельгия прокуратураси 5 декабрда Каталониянинг собиқ етакчиси Карлес Пучдемоннинг Испанияга экстрадицияси бўйича ишни ёпди. Бу ҳақда Брюссель прокуратурасига иқтибос келтирган ҳолда AFP маълум қилди.

Аввалроқ, 5 декабрда Испания олий суди Пучдемон ва Каталония ҳукуматининг 4 нафар собиқ аъзосининг ҳибсга олинишига халқаро ордерни қайтариб олгани маълум бўлган.

Шу муносабат билан Бельгия суди Пучдемон ва унинг сафдошларининг Испанияга топширилиши ўз долзарблигини йўқотганлиги қайд қилинадиган янги йиғилиш ўтказади. Ушбу суд йиғилиши санаси ҳали белгиланмаган.

Испания олий судининг қарори суд сайтида жойлаштирилган. Пучдемоннинг ҳибсга олинишига ордер у Брюсселда бўлганда Мадриддаги миллий суд ҳайъатига келмагандан кейин 3 ноябрда берилганди.

Тайёрлаган Шуҳрат Раҳимов

#Испания #экстрадиция #Карлес Пучдемон

Испаниянинг шимолий-шарқий ҳудудида, Каталония автономиясида, истиқомат қилувчи аҳоли 1 октябрь каталонларнинг мустақиллик масаласини ҳал этиш учун кўчага чиқди. Расмий Мадрид ушбу ҳаракатни йўққа чиқариш мақсадида маҳаллий полиция кучидан фойдаланмоқда.