Samsung Galaxy A8+ смартфонининг илк видеоси намойиш этилди

Samsung компаниясининг Galaxy A8+ смартфони (2018)иштирокидаги илк видеоси тарқалди. YouTube видеосервисида ҳали тақдимоти ўтказилмаган Samsung Galaxy A8+ смартфонининг уч дақиқали видеоси пайдо бўлди. 

Видеороликка кўра, Galaxy A8+ тўлиқ экранли дизайнга эга, у Home механик тугмасидан маҳрум бўлган ва ташқи кўринишидан Galaxy Note 8'га ўхшаб кетади. Шунингдек видеода икки фронтал камера аниқ кўриниб турибди.

Ролик охирида смартфоннинг техник хусусиятлари ҳақида маълумот берилади: Samsung Galaxy A8+ смартфони IP68 стандартига мувофиқ сув ва чангдан ҳимоя билан таъминланди. Янги қурилма 6 дюймли, 2220X1080 пикселли  Infinity Display Super AMOLED-экран билан таъминланди. Саккиз ядроли Exynos 7885 процессори янги қурилманинг "юраги"га айланди. 

Galaxy A8+ 6 Гб оператив ва 64 Гб ички хотирага эга. Асосий камера битта бўлиб, у 16 Мп, f/1.7 диафрагма ҳамда оптик тасвир барқарорлигига эга. Фронтал камера иккита, у 16 ва 8 Мп'ли тасвир датчиклари билан жиҳозланган. Қурилманинг ишлаш вақти учун 3500 мАс сиғимли батарея жавобгар. Дактилоскопик датчик ҳам мавжуд. 

Samsung Galaxy A8+ декабрь ойи охирида намойиш этилиб, 600 АҚШ долларидан сотила бошлаши кутилмоқда.