Қозоғистонда 2017 йилда қанча терактнинг олди олингани маълум

Қозоғистон Республикаси Миллий хавфсизлик қўмитаси 2017 йилда қанча терактнинг олди олингани ҳақида маълумот берди. Бу ҳақда Tengrinews.kz маълум қилмоқда.

"Мамлакатдаги вазият барқарорлиги таъминланди, террорчилик ва экстремистик акцияларга йўл қўйилмади, 2017 йилда террорчилик характеридаги 11 та зўравонлик акцияси амалга оширилишининг олди олинди", - дея хабар берди Қозоғистон Республикаси Миллий хавфсизлик қўмитаси раисининг ўринбосари Нургали Билисбеков ҚР парламенти сенатидаги йиғилиш давомида. Унинг қўшимча қилишича, бу ҳаракатларга тайёргарлик босқичидаёқ чек қўйилган.

"Биз Яқин Шарқ давлатлари, биринчи навбатда Саудия Арабистонидан, диний экстремистик оқимлар ташвиқотчиларини, жумладан Абдухалил Абдужапаровни экстрадиция ҳамда депортация қилишнинг уддасидан чиқдик. Хусусан, Абдужапаров судланди. Республика ҳудудида турли диний оқимларнинг 22 фаоли ва етакчисига нисбатан жиноий таъқиб этиш чоралари қўлланди. Шу билан бирга, профилактик таъсир билан 81 етакчи ва фаолнинг ушбу мафкурани тарқатиши бўйича ҳаракатлар бартараф этилди", - дея айтиб ўтди Нургали Билисбеков.

"Биз Интерпол орқали ишламоқдамиз. Хориждаги Қозоғистон фуқаролари бўлган барча жангарилар қатъий ҳисобда ҳамда Интерпол орқали назоратга олинган. Учинчи мамлакат давлат чегарасини кесиб ўтишга исталган уриниш чоғида улар қўлга олинади ва Қозоғистонга экстрадиция қилинади", - дея хулоса қилди у.