Исроил Ғазо сектори билан чегарани ёпмоқда

Фото: Eric Gaillard/Reuters

Исроил Фаластин билан вазиятнинг кескинлашиши фонида пайшанба, 14 декабрь куни Ғазо сектори билан чегарани ёпишга қарор қилди. Бу ҳақда РИА «Новости» Исроил армияси матбуот хизматига таянган ҳолда хабар бермоқда.

«Хавфсизликка алоқадор бўлган ҳодисалар, ҳамда тезкор ҳолатни таҳлил этишдан келиб чиққан натижа туфайли, «Керем-Шалом» товарларни ўтказиш пункти ва «Эрез» пиёдалар ўтиш нуқтаси эртага (пайшанба куни) ёпилади», - дейилади хабарда.

Аввалроқ Фаластин миллий маъмурияти раҳбари Маҳмуд Аббос Исроил билан имзоланган барча шартномалардан воз кечишга ваъда берганди.

Фаластин ва Исроил ўртасидаги вазиятнинг навбатдаги марта кескинлашиши АҚШ президенти Дональд Трампнинг яҳудийлар давлати пойтахтини Тель-Авивдан ал-Қудсга кўчириш ҳақидаги баёнотидан сўнг юз берди.