Сурия ва Ливан ўртасида 5 йилдан бери ишламаётган чегара пункти қайта очилди

Фото: Getty Images

2012 йилда ишлаши тўхтатилган, Сурия ва Ливан чегарасидаги “Жувайсия” назорат-ўтказиш пункти 14 декабрда расман қайта очилди. Бу ҳақда Al-Manar телеканали хабар бермоқда.

Телеканал маълумотларига кўра, чегара пунктининг очилиши маросимида Сурия ички ишлар вазири Муҳаммад Иброҳим аш-Шаър ҳамда Ливан махсус хизмати бошлиғи Аббос Иброҳим иштирок этганлар.

Сурия вазири чегара пунктининг очилиши икки давлат ўртасидаги муносабатларни мустаҳкамлашига ишонч билдирган. У, шунингдек, назорат-ўтказиш пункти 15 декабрь эрталабдан ишчи тартибда фаолият юрита бошлашини қўшимча қилган.