Кобулда махсус хизматлар маркази жангарилар ҳужумига учради (видео)

Афғонистон пойтахти Кобулнинг ғарбий қисмидаги қурилиши тугалланмаган бино бир гуруҳ қуролланган шахслар томонидан эгаллаб олинди. Иншоот маҳаллий махсус хизматларнинг машғулот маркази ёнида жойлашган, деб хабар бермоқда Tolo телеканали.

Гувоҳларнинг сўзларига кўра, жангарилар бинода яшириниб ўтиришибди ҳамда марказни ўққа тутишмоқда.

Афғонистон ИИВ маълумотларига кўра, воқеа жойига хавфсизлик кучларининг қўшимча бўлинмалари юборилган.

Қурбонлар ҳақида хабарлар ҳозирча йўқ. Шу билан бирга, Tolo телеканали манбаси ҳам ҳужум натижасида жабрланганлар йўқлигини хабар берган.

Ҳеч бир гуруҳ ҳужум учун масъулиятни ўз зиммасига олмади.