Президентнинг озиқ-овқат хавфсизлигини таъминлаш бўйича фармони лойиҳаси муҳокамага қўйилди

Ўзбекистон Республикаси Бош прокуратураси сайтида Ўзбекистон Республикаси Президентининг Мамлакатда озиқ-овқат хавфсизлигини таъминлаш истиқболлари бўйича чоралар тўғрисидаги фармони лойиҳаси муҳокамага қўйилган.

Ушбу лойиҳа Ўзбекистон Республикаси норматив ҳуқуқий ҳужжатларнинг муҳокамаси порталига ҳам жойлаштирилган.

Лойиҳа муҳокамасида исталган жисмоний ва юридик шахс қатнашиши мумкин бўлади. Жамоатчилик муҳокамаси давомида олинган мазмунли таклиф ва тузатишлар экспертлар томонидан шарҳланади ва муҳокама ташкилотчилари томонидан ўрганиб чиқилади. Мазкур ҳавола орқали муҳокамада иштирок этиб, ўзбек ёки рус тилида изоҳ/фикр қолдиришингиз мумкин.