Саудия Арабистони қироли МРБ директори билан музокара ўтказди

Фото: AP / Yoan Valat

Саудия Арабистони қироли Салмон бин Абдулазиз Ол Сауд 18 декабрда Марказий разведка бошқармаси директори Майк Помпеони қабул қилди ва у билан Яқин Шарқдаги вазиятни муҳокама қилди. Бу ҳақда SPA ахборот агентлиги маълум қилди.

Бундан ташқари, агентлик маълумотларига кўра, учрашувда АҚШ ва қироллик ўртасида муносабатларни мустаҳкамлаш ҳақида ҳам гап борган.

Аввалроқ Помпео Саудия Арабистони хавфсизлик соҳасида Исроил билан ҳамкорлик қилишини айтганди ҳамда Ар-Риёдни террорчилик ва Эронга қарши курашиш учун АҚШ, Исроил ва Туркия ўртасидаги иттифоққа қўшилишга чақирганди. Помпеонинг бу таклифи араб давлатлари томондан танқид остига олинган.