Қирғизистондаги мактабларда дарсларнинг бошланишини ўзгартириш таклиф қилинмоқда. Бу ҳақда Қирғизистон ҳукуматининг жамоатчилик билан алоқалари бўлимида маълум қилинди.
Қирғизистон таълим ва фан ҳамда ички ишлар вазирликларига йўлларда автомобиль тирбандликларидан қочиш учун мактабларда дарсларни турли вақтда бошлаш имкониятини кўриб чиқиш вазифаси топширилган.
Шунингдек, жиноятларни электрон ҳисобга олиш ахборот тизимини татбиқ қилишни тезлаштириш зарурлиги таъкидлаб ўтилган.
Қирғизистон ахборот технологиялари ва алоқа давлат қўмитаси раҳбари Нурбек Абаскановнинг айтишича, 2018 йил баҳорида мактабгача таълим муассасаларига навбатга қўйишнинг электрон тизими татбиқ этилади.
Бу тизим болалар боғчаларига болаларни қабул қилишда коррупция ҳолатларини истисно қилиш ва ижтимоий адолатни ўрнатишга имкон беради. Сўнгра бу тизим барча мактабларга нисбатан татбиқ қилинади.
