Трамп Лондонга ташрифи чоғида қиролича билан учрашмасликка қарор қилди – ОАВ

АҚШ президенти Дональд Трамп Британия бош вазири Тереза Мэйга мамлакатга келаси йили аниқ ташриф буюриши, бироқ қиролича Елизавета II билан учрашмаслиги ҳақида хабар берди. Бу ҳақда Daily Mail ёзмоқда.

Давлат раҳбарлари Трампнинг Лондонга амалий ташрифини муҳокама қилишган, у 2018 йилнинг февраль ойи охирларига мўлжалланган. Қўшма Штатлар президенти унинг давомида АҚШ элчихонаси янги биносининг очилиш маросимида қатнашади ва Мэй билан музокаралар ўтказади.

Бироқ қиролича билан учрашув ўтказилмайди – бунинг учун Британияга амалий билан эмас, балки давлат ташрифи билан келиш керак, дея таъкидлайди газета.

Эслатиб ўтамиз, аввалроқ Буюк Британия пойтахти мэри Содиқ Хон ал-Қудс билан боғлиқ вазият фонида Қўшма Штатлар етакчиси Дональд Трамп Лондонга ташрифни режалаштирмагани маъқуллиги ҳақида маълум қилганди.