Британия паспорти мамлакат ЕИдан чиққанидан сўнг ўз рангини алмаштиради

Буюк Британия Евроиттифоқдан чиққанидан кейин (Brexit)мамлакат паспортларига кўк рангдаги муқова қайтарилади. Telegraph шу ҳақида хабар берди.

2019 йилда Brexit'дан кейин Европа Иттифоқи белгисини ўз ичига олмаган янги дизайн 80-йилларда пайдо бўлган қизил муқованинг ўрнини эгаллайди. 

Хоум-офис вазири Брэндон Льюиснинг айтишича, янги паспорт "биз кўрган энг технологик ва хавфсиз ҳужжат" бўлади. Бу эса уни сохталаштириш ёки фирибгарлик учун ноқулай қилади. 

Льюиснинг сўзларига кўра, Британия паспорти 1921 йили қўлга киритилган кўк муқова ва зарҳал ҳарфлардан иборат  "каноник" дизайнини қайтаради.