Афғонистонда ИШИДнинг 2 минггача жангариси борлиги маълум қилинди
Афғонистон армияси бош штаби бошлиғи Шариф Яфталий Афғонистонда ИШИД жангарилари сони 2 мингдан ошмаслигини маълум қилди.
Ўтган ҳафтада Россия президентининг махсус вакили, Россия ташқи ишлар вазирлигининг Осиё департаменти директори Замир Кабулов Афғонистонда ИШИД жангарилари сони 10 мингдан кўпроқ эканлигини, улар сафига жумладан Сурия ва Ироқдан жангарилар келиб қўшилаётганини маълум қилганди.
“Биз Афғонистонда ИШИДнинг 2 минггача жангариси борлигини тасдиқлаймиз”, деб айтган Яфталий.
Ўз навбатида Афғонистон ички ишлар вазири Воис Аҳмад Бармок Афғонистонда ҳаракат қилаётган жангарилари Сурия ва Ироқдан қайтиб келгани ҳақидаги тасдиққа қўшилмаслигини айтди.
“Бизнинг маълумотларга кўра, Афғонистондаги ИШИД минтақавий давлатлар махсус хизматлари томондан яратилган куч ҳисобланади”, деб айтган вазир.
Охирги ойларда Афғонистондаги вазият анча ёмонлашган. “Толибон” ҳаракати йирик шаҳарларга ҳужум қила бошлаган. Шунингдек, мамлакатда ИШИД таъсири кучайган.
Мавзуга оид
12:20
Ўзбекистон президентининг махсус вакили Афғонистонга борди
16:50 / 11.10.2024
Ўзбек компанияси Афғонистоннинг энергетика секторига 1 млрд доллар сармоя киритади
08:10 / 10.10.2024
ТИВ раҳбари Афғонистоннинг Ўзбекистондаги янги элчисини қабул қилди
20:51 / 04.10.2024