«Россия тайёр». Кремль АҚШ ва КХДР бўйича баёнот берди
Россия Пхеньян ва Вашингтон ўртасидаги мулоқотда воситачи бўлишга тайёр, бунда ҳар икки томоннинг розилиги талаб этилади. Бу ҳақда Россия Федерацияси президентининг матбуот котиби Дмитрий Песков айтиб ўтди, деб хабар бермоқда «Интерфакс».
«Гап Россиянинг керак бўлган тақдирда ва ҳар икки томон хоҳишида воситачи бўлишга тайёрлиги ҳақида кетмоқда», - дея айтиб ўтди Песков Россия АҚШ ва КХДР ўртасидаги мулоқотда воситачига айланишга тайёрми, деган саволга жавоб қайтариб.
Унинг таъкидлашича, Россия учун бундай тайёрлик мушкул вазифа эмас, сабаби бу «кескинликдан холи вазиятни яратиш учун йўлни очишдир».
Эслатиб ўтамиз, аввалроқ КХДРнинг БМТдаги доимий ваколатхонасида Қўшма Штатлар билан алоқаларга жавобгар бўлган шимолий кореялик дипломат Пак Сон Иль АҚШ, Пхеньянни WannaCry компьютер вирусини тарқатишда айблаб, Шимолий Кореяга қарши душманлик кайфиятидаги муҳитни янада кескинлаштиришга уринаётганини маълум қилганди.
Мавзуга оид
10:09
АҚШнинг Полшадаги янги РҚМ базаси Россия ракеталарини уриб тушира олади
22:41 / 13.10.2024
Ким Чен Иннинг синглиси Жанубий Кореяни «даҳшатли ҳалокат»дан огоҳлантирди
13:07 / 13.10.2024
«Чекмайди ва онда-сонда озгина ичади». Камала Ҳаррис ўз тиббий картасини эълон қилди
16:29 / 12.10.2024