Суриядаги қочқинлар лагерида ИШИД жангарилари топилди

Мағлубиятга учратилган ИШИД террорчилик гуруҳи жангарилари Сурия-Иордания чегарасида жойлашган Ар-Рукбан қочқинлар лагерида яширинмоқда. Бу ҳақда журналистларга Хомс вилоятининг чегараолди туманларида тинч жараённи мувофиқлаштириш ва хавфсизликни таъминлаш бўйича координатор Хаж Адал айтиб ўтди.

"Лагерда бўлиб турган менинг одамларим маълумотига кўра, у ерда ўзини “Янги Сурия Армия”си деб атаётган жангарилар гуруҳи бор. Уларнинг сони унчалик катта эмас. Гуруҳ ИШИДдан қочган ва Ар-Рукбанга қочганлар, бу гуруҳга мажбурий тарзда содиқлик келтирган қочқинлардан иборат. Шунингдек Ар-Рукбанда хорижлик ёлланма шахслар ҳам пайқалган", - дея маълум қилди у.

Ар-Рукбан қочқинлар лагери Американинг Ат-Танфа ҳарбий базаси яқинидаги хавфсиз ҳудудда жойлашган.

Ар-Рукбандаги қочқинлар жуда оғир аҳволда қолишган: Иордания чегараси улар учун ёпиқ ва у ердан ёрдам келмаяпти. Шу билан бирга, мухолиф гуруҳлар жангарилари хавфсизлик ҳудудини тўсиб қўйишмоқда ва БМТ гуманитар конвойларини қўйишмаяпти.

БМТ маълумотларига кўра, лагерда ҳозирги кунда тахминан 50 минг қочқин бор.