Месси лотинамерикалик бойлар рўйхатида юқорига кўтарилди

Forbes нашри Лотин Америкасининг 2017 йилда энг кўп даромад олган машҳур шахслари рейтингини тузиб чиқди.

Биринчи ўринни «Барселона» ҳужумчиси Лионель Месси қўлга киритди. У 2017 йил июнь ойидан буён 80 миллион доллар даромад олган ва дунёдаги энг кўп маош олувчи футболчига айланган. Қизиғи шундаки, февраль ойида у «Реал» ҳужумчиси Криштиану Роналдудан орқада бораётган эди.

Иккинчи ўринни ҳудуддаги машҳур аскиячи Луи Си Кей (52 млн доллар) эгаллаб турибди. Учинчи поғонада колумбиялик актриса София Вергара (41,5 млн), тўртинчи поғонада машҳур ашулачи Бруно Марс (39 млн), ундан кейинги ўринларда актриса ва ашулачи Женнифер Лопес (38 млн) билан яна бир футболчи Неймар (37 млн) бормоқда.

Forbes нашрининг лотинамерикалик энг кўп даромад олган шахслар умумий рейтингида Месси 14-ўринда қайд этилган.