Видео: Назарбоев «Остона» ўйинчилари билан «футбол ўйнади»

Қозоғистон пойтахти ҳокимининг ҳар йиллик хайрия базми вақтида президент Нурсултон Назарбоевга тўп совға қилишди. Айнан шу тўп билан “Славия” дарвозасига ҳал қилувчи гол урилганди, шундан сўнг “Остона” ФК Европа лигаси 1/16 финалига чиқа олди. Бу ҳақда Tengrinews.kz хабар бермоқда.

Давлат раҳбари билан бирга ҳоким базмига сиёсатчилар, амалдорлар, Қозоғистон эстрадаси юлдузлари, КВН Олий лигаси чемпиони “Спарта” жамоаси ва “Остона” клуби футболчилари таклиф этилди.

Нурсултон Назарбоев футболчилардан совғани қабул қилиб олиб, “Остона” ва Қозоғистон терма жамоаси ўйинчилари билан бироз “тўп тепган”. Facebook фойдаланувчиси Aizhani Nurlanova айнан шу ҳолатни тасвирга олди.