Австралиялик ҳарбийлар 325 млн долларлик гиёҳванд модда ташиб кетаётган кемани ушлашди

Фото: EPA

Австралия ҳарбий-денгиз кучларининг “Варрамунга” фрегати Арабистон денгизида деярли 8 тонна гашиш гиёҳванд моддасини ташиб кетаётган кемани ушлади.

“Экипаж бу вазифага пухталик билан тайёргарлик кўрди ва биз шубҳали кемаларни топиб, уларга қўниш учун вертолётларимиздан фойдаландик”, деб айтган “Варрамунга” капитани.

Маълумотларга кўра, ушланган гиёҳванд модданинг қора бозордаги қиймати 325 млн долларни ташкил қилади.

Таъкидланишича, ушбу фрегат экипажи куни-кеча 69 кг героинни мусодара қилган.