Турар ва нотурар жойларни ижарага беришда ойлик ижара тўловлари ставкалари сақланиб қолинди

Ўзбекистон ҳукумати жисмоний шахслар томонидан 2018 йилда турар-жой ва нотурар жой биноларини ижарага берилишда ижара тўловларининг базавий миқдорини сақлаб қолди.  

Ижара тўловларининг базавий миқдорлари Ўзбекистон Республикаси Президентининг 2017 йил 29 декабрдаги ПҚ-3454 сонли «Ўзбекистон Республикасининг 2018 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»ги қарори билан ўрнатилган.

Шундай қилиб, нотурар жойларнинг 1 квадрат метри учун бир ойлик минимал ижара ставкалари Тошкент шаҳрида — 9 минг сўм, Нукус шаҳри ва вилоятга бўйсунувчи шаҳарларда — 6 минг сўм, бошқа аҳоли пунктларида — 3 минг сўм қилиб белгиланган.

Турар жойларнинг 1 квадрат метри учун бир ойлик минимал ижара ставкалари Тошкент шаҳрида — 4,5 минг сўм, Нукус шаҳри ва вилоятга бўйсунувчи шаҳарларда — 3 минг сўм, бошқа аҳоли пунктларида — 1,5 минг сўм қилиб белгиланган.