Кобулдаги портлаш қурбонлари сони 20 кишига етди

Афғонистон пойтахти Кобул шаҳридаги йирик теракт оқибатида ҳалок бўлганлар сони 20 кишига етди. Бу ҳақда маҳаллий TOLONews телеканали мамлакат ички ишлар вазирлигига таянган ҳолда хабар бермоқда.

Таъкидланишича, 30 киши жароҳатланган. Аввалроқ 15 киши ҳалок бўлгани ҳақида хабар берилганди.

Портлаш 4 январь маҳаллий вақт билан соат 20:30да шаҳарнинг Баноий туманида, АҚШ элчихонаси яқинида содир этилган. Гувоҳларнинг айтишича, бомбани террорчи-худкуш ҳаракатга келтирган. Телеканал маълумотларига кўра, портлаш учун масъулиятни ИШИД ўз зиммасига олди.