Жанубий Корея АҚШга қарши санкциялар киритмоқчи

Жанубий Корея Жаҳон савдо ташкилотидан (ЖСТ) АҚШга 711 млн доллардан кам бўлмаган миқдорда ҳар йиллик санкциялар жорий қилишга рухсат беришни сўради. Бу ҳақда ташкилотнинг сайтида маълум қилинган.
 
Жанубий Корея АҚШни унга нисбатан ЖСТда ўрнатилган аксилдемпинг ва аксилсубсидиявий мажбуриятларни бажармасликда айбламоқда. Бу меъёрлар Жанубий Кореяда ишлаб чиқарилувчи кир ювиш машиналарига тааллуқлидир.

Шу сабабли Жанубий Корея ҳукумати компенсация олиш мақсадида АҚШга нисбатан савдо санкциялари жорий қилмоқчи.