АҚШ сўнгги йилларда биринчи марта Россиядаги Халқаро иқтисодий форумда иштирок этади

Америка вакилларига АҚШ нафис санъат бўйича комиссияси раҳбари кенжа Родни Мимс Кук бошчилик қилади.

Фото: РИА Новости / Александр Кряжев

АҚШ делегацияси Санкт-Петербург халқаро иқтисодий форумида (ПМЭФ) иштирок этади. АҚШ расмий вакилларининг форумга бундай даражадаги ташрифи 8 йил ичида биринчиси бўлади, деди Россия президенти ёрдамчиси Юрий Ушаков.

Унинг сўзларига кўра, Америка вакилларига АҚШ нафис санъат бўйича комиссияси раҳбари кенжа Родни Мимс Кук бошчилик қилади.

«Менимча, 2017−2018 йиллардан бери америкаликлар иштироки бу даражада (юқори) бўлмаган», деди президент ёрдамчиси.

Кук «Россия ва АҚШ. Маданиятлар мулоқоти» сессиясида нутқ сўзлайди, деди Ушаков. Унда Большой ва Мариинский театрлари бадиий раҳбари Валерий Гергиев ва Эрмитаж бош директори Михаил Пиотровский ҳам иштирок этиши кутилмоқда.

2026 йилги ПМЭФ 3 июндан 6 июнгача бўлиб ўтади.