Роналду «Реал»да энг ёмон мавсумини ўтказаётгани маълум бўлди

«Реал» ҳужумчиси Криштиану Роналду Примеранинг жорий мавсумида атиги 4та гол урди. 

AS ҳисоб-китобига кўра, португалиялик тўпурар майдонда 1156 дақиқа ўтказган ва ҳар бир гол учун 289 дақиқа сарфлаган. Бу эса унинг «Реал» таркибидаги энг ёмон натижасидир.

Аввалги мавсумларда Роналдунинг 1 гол учун сарфлаган вақти қуйидагича бўлган - 95 дақиқа (2009/10), 73 дақиқа (2010/11), 73 дақиқа (2011/12), 80 дақиқа (2012/13), 82 дақиқа (2013/14), 65 дақиқа (2014/15), 91 дақиқа (2015/16), 102 дақиқа (2016/17).

Бироқ, Чемпионлар Лигасида Роналдунинг ишлари жойида. У 6та ўйинда 9та гол урган ёки ҳар бир гол учун 60 дақиқа вақт сарфлаган.