Trumpchi автобренди АҚШда бошқа ном билан ишлайди

Фото: Reuters

Хитойнинг Guangzhou Automobile Group Co. автомобиль ишлаб чиқарувчиси АҚШ бозорида Trumpchi бренди номини Америка президенти Дональд Трампнинг фамилияси билан ўхшашлиги туфайли ўзгартиради. Бу ҳақда The Wall Street Journal хабар бермоқда.

«Trumpchi» номи 2010 йилдан бери ишлатилади ҳамда хитойчадаги «чуаньци» сўзи билан боғлиқ, у эса «ноодатий ва ҳайратли нимадир» деб таржима қилинади.

Компания Америка бозорига киришдан аввал тадқиқот ўтказди ҳамда Трампнинг фамилияси билан ўхшашлик улар учун салбий оқибатларни олиб келиши мумкинлигини аниқлади. Янги ном эса ҳали ўйлаб топилмаган.