Денис Истомин Australian Open мусобақасидаги иштирокини якунлади

Фото: tennismatchestoday

Мельбурн шаҳрида давом этаётган теннис бўйича «Катта Дубулға» туркумига кирувчи Australian Open турнири давом этмоқда.

Яккалик баҳсларининг иккинчи даврасида мағлубиятга учраб мусобақани эрта тарк этган Денис Истомин бу сафар жуфтлик баҳсларида кортга чиқди.

Қозоғистонлик Михаил Кукушкин билан жуфтликда турнир мезбонлари Сэм Грот ва Ллейтон Ҳюитт жуфтлигига қарши кортга чиқди. 1 соат-у 10 дақиқа давом этган учрашувда икки сетда 3:6, 3:6 ҳисобида имкониятни бой берган Истомин-Кукушкин жуфтлиги мусобақа билан биринчи даврадаёқ хайрлашишга мажбур бўлди.