Турк ҳарбийлари курдлар позицияларига жавоб зарбасини берди

Фото: Reuters

Туркия қуролли кучлари Сурия шимоли-ғарбидаги Африн шаҳрига яқин бўлган курдлар позицияларини ўққа тутиб, уларнинг ҳаракатига жавоб қайтаришди. Бу ҳақда Anadolu агентлиги хабар бермоқда.

Туркия Бош штабининг ёзма баёнотида таъкидланишича, ҳарбийларнинг хатти-ҳаракати мамлакат ўзини ўзи мудофаа этиш ҳуқуқига эга эканига асосланган.

«Демократик иттифоқ» ва «Курдистон ишчи партияси» террорчиларининг Африн туманидан ўққа тутишларига жавобан, Туркия қуролли кучлари террорчиларнинг Сурия шимолидаги объектларига 19-20 январь кунлари қатор зарбалар берди», - дейилади баёнотда.

Эслатиб ўтамиз, аввалроқ Туркия курдларга қарши амалиёт бошланганини эълон қилганди.