Ҳаваскор астроном НАСА 12 йил аввал йўқотган сунъий йўлдошни аниқлади

Астрономияга қизиқувчи канадалик НАСА коинот агентлиги 12 йил аввал йўқотган сунъий йўлдошни аниқлай олди. Бу ҳақда Tech Times нашри хабар бермоқда.

Ҳаваскор астроном АҚШнинг яқинда йўқолиб қолган махфий сунъий йўлдоши Zuma’ни аниқламоқчи бўлган, бироқ бунинг ўрнига анча аввал йўқолган сунъий йўлдошдан келаётган сигналларни эшитган. Унинг тахминича, бу сигналлар IMAGE сунъий йўлдошига тегишли бўлган.

У бу ҳақда шахсий блогида ёзган. Дастлаб бу ҳеч кимни қизиқтирмаган, бироқ кейинроқ канадалик IMAGE’нинг бош сармоячиларидан бири Жеймс Берч билан боғланган. Бир неча кундан кейин Годдард номидаги коинот парвозлари маркази муҳандислари IMAGE’дан сигнални ушлай олишганини тасдиқлашган.

IMAGE (Imager for Magnetopause-to-Aurora Global Exploration) сунъий йўлдоши 2000 йилда Ернинг магнитосферасини ўрганиш учун фазога учирилган. 2005 йилда олимлар у билан алоқани йўқотишган ва уни коинотда йўқолган деб тан олишган. Тахмин қилинишича, сунъий йўлдош ўтган йилги қуёш тутилиши вақтида ишга тушиб кетган бўлиши мумкин.